ઘ ગ્રેટ વર્લ્ડ, ભાવનગર
પાછોતરા વરસાદના કારણે રાજ્યના વિવિધ વિસ્તારોની સાથોસાથ ભાવનગર તાલુકા અને જિલ્લામાં થયેલા વ્યાપક વરસાદના કારણે ખેડૂતોને થયેલા ભારે નુકસાનના કારણે ભારે તબાહી મરચી જતા ધારાસભ્ય અને મંત્રી પુરુષોત્તમ સોલંકી એ મતવિસ્તારના ખેડૂતો સાથે એક બેઠક કરીને સાંત્વના આપી હતી.
આ બેઠકમાં ખેડૂતો સાથેની વાતચીતમાં પુરુષોત્તમ સોલંકીએ ખેડૂતોને જણાવ્યું હતું કે પોતે મુખ્યમંત્રીને અને કૃષિ મંત્રીને પત્ર લખીને ખેડૂતોની વરસાદના કારણે થયેલી પરિસ્થિતિ વિશે વાકેફ કર્યા હતા અને તેમને વળતર મળવું જોઈએ તેવી માંગણી મૂકી છે. પુરૂષોત્તમભાઈએ ખેડૂતોને કહ્યું કે તમારે ચિંતા કરવાની જરૂર નથી કેબિનેટમાં તમારો ભાઈ બેઠો છે. ખેડૂતો માટે અમે સરકાર દ્વારા જેટલા પ્રયત્નો થાય તેટલા કરીશું.